Heil og sæl öllsömul

En hvað það er gaman að sjá hvað margir eru farnir að skrifa á síðuna. 19 ár er langur tími marga hef ég ekki hitt síðan á skólaslitunum í 9. bekk. Við erum ótrúlega léleg í þessu margir árgangar hittast á 5 ára fresti. Vonandi verður þessi síða til þess að eitthvað gerist.

Af mér er allt gott að frétta. Ég bý á Akranesi ásamt manninum mínum honum Kristni og strákunum mínu tveim Sveini Loga 8 ára og Almari Daða 4 ára. Ég er kennari og ég vinn í Grundaskóla, þar hef ég unnið bráðum í 9 ár. Ég á von á mínu þiðja barni síðasta lagi 18. júní svo ég vona að hittingurinn verði í apríl eða maí, enda of seint að halda í júní þegar fólk er farið í sumarfrí. Spurning hvort hægt verði að tengja þetta við einhverja fimmtudagsfrídagana svo þeir sem koma langt að fái aðeins lengri tíma. Hvað segið þið um að hittast í kringum sumardaginn fyrsta?

Ég fann vísurnar um okkur öll og nokkur myndaalbúm, það er ótrúlega gaman að skoða þetta, það eru margar minningar sem koma í hugann. Gaman að sjá að þó maður hafi aðeins breyst í útliti er maður enn ungur í anda.

Kveðja

Margrét Rós.

Athugasemdir

[Heiðlóa Ásvaldsdóttir (IP-tala skráð) 20.3.2007 kl. 21:12]

Hæ Magga Rós.

Ég hitti þig á göngum Landspítalans fyrir ekki svo löngu. Þú hafðir ekki breyst svo mikið....ég þekkti þig a.m.k.

             Kv. Lóa