Dautt

Hæ hæ

Ég ákvað að setja inn hérna ef einhverjum dytti í hug. Það virðist vera lítill áhugi hjá okkur að hittast. Og mér finnst líka synd ef síðan dettur niður. Ég skal alveg viðurkenna það að ég hef ekki verið dugleg að setja inn á hana, aðrir hafa verið mjög duglegir og enn aðrir hafa bara ekki komið neitt inn.

Ég hitti Stínu frænku í gær og við vorum sammála um að það væri synd ef við myndum ekki hittast, og koma svo, látum hendur standa fram úr ermum. Köstum inn hugmyndum um hvað við getum gert.

 Kveðja Helena

Hátíð á Djúpavogi!!

Hér er linkur inn á hátíð sem verður á Djúpavogi 12-15 júlí, það væri nú frábært að sjá sem flesta 

   http://www.djupivogur.is/adalvefur/?id=3616

Kveðja Svala

Hver man ekki eftir Hansa

 http://www.ok.is/vefmynd/FRETTABR0300.pdf

Á blaðsíðu 4 Alltaf gaman að rekast á gamlan vin

 

 

Sæl verið þið KRAKKAR.

Hvað er að frétta eru allir farnir í sumarfrí ?

Ég spyr nú bara vegna þess að það skrifar engin inn á síðuna kannski er það bara vegna áhugaleysi eða hefur fólk ekkert að segja ? Ég er nú bara þannig að mig langar að vita hvort það er áhugi fyrir að hittast í sumar ? það þarf ekki að taka langan tíma að rífa í spaðann á fólki og segja hæ eða smella kossi á kinn og hugsa um af hverju fékk ég ekki að kyssa þennan vanga fyrir 20 árum síðan.

það er ekkert mál að hittast í húsdýragarðinum einn laugardag eða sunnudag. Einnig er ekkert mál að finna annan stað til að hittast á.

Ég þarf bara smá undirbúning (fara í megrun reyna að stækka fá mér hárkollu og leigja flottan bíl). En án gríns þá getur ekki verið að við KRAKKARNIR  höfum breyst það mikið að við getum ekki komið saman og spjallað smá.

Ingólfur var t.d að koma frá USA og hann hefur ekkert breyst (ekkert yfirvaraskegg og engin bjórvömb) hann var samt með kúrekahatt en það er bara kúl.

Ég bý í Hafnafirði og það er alltaf opið hús hjá mér fyrir ykkur ef þið hafið áhuga á að líta inn.

Kveðja úr Sódómu Gísli Sig (sonursiggabaddafrávegamótumviðklifið) 

Hmmmm

Fannst nauðsynlegt að berja aðeins niður lykli hér inni á þessari ágætu síðu.  Við mættum vera duglegri við að setja hér eitthvað inn.

Hjá mér hefur verið annasamt undanfarið, ný vinna (sem ég er reyndar búin að vera í síðustu 6 mánuði) krefst mikillar viðveru, en þar eru mörg spennandi verkefni í vinnslu.

Ferming var hjá mér um Hvítasunnuna en nú er ég langt komin með að ferma öll afkvæmin, Þórarinn og Alma búinn, en nú er hlé næstu 5 árin hjá mér.  Á Hvítasunnudag voru semsagt rúmlega 80 manns í heimsókn hjá okkur á Heiðarveginum.

Mikil vinna einnig búin að vera í gangi hjá björgunarsveit þeirri sem ég er í forsvari fyrir, en hún hefur nú reyndar hvílt meira á herðum félaga minna heldur en mínum, en maður reynir eins og hægt er, en það eru nú víst ekki mikið fleiri en 24 klst í sólarhringnum hjá mér, frekar en öðrum.

Endilega ef einhvert ykkar á leið um fjörðin fagra (Reyðarfjörð) í sumar þá bankið uppá, það er alltaf gaman að fá gamla félaga og vini í heimsókn.

Farið vel með ykkur.....

Kveðja Eiður

Hammond hátíð á Djúpavogi!!!

Langaði að benda ykkur á þessa snilldarhátíð sem verður um næstu helgi, ég fór í fyrra og það var alveg meiriháttar.  Það er linkur inn á hammond vefinn inn á djupivogur.is

Kveðja Svala

Nýjar myndir

Jæja það er að bætast við myndir af fallega fólkinu, Ingþór sendi mér fleiri myndir, takk æðislega Ingþór og fyrirgefðu hvað ég var lengi að koma þeim inn  Það væri gaman ef fleiri gætu sent inn myndir.  Það má senda þær á mig á [e-mail] nú eða bara skella þeim bara inn sjálf

Það væri gaman að fara að heyra í fleirum hér inni, ekki það að maður verði leiður á Gísla, langt í frá  Eini sem ég hef ekki náð í er Reimar þannig að ef einhver veit eitthvað um hann þá má láta mig vita.  Kveðja frá fallega Djúpavogi, Svala

ekkert að gerast?

Sælt veri fólkið

Jæja eru allir bara hættir að tjá sig á síðunni? Nema að sjálfsögðu stórvinur minn Gísli, ekki hætta. Hvað er að gerast í nefndinni, viljið þið ekki bara finna dag og senda út tölvupóst, eða erum við hætt við að halda reunionið.
Mér finnst tími til kominn að fara að hittast og var að vona að það myndi gerast í sumar. Hvað segið þið einhver komment?

Annars er maður bara að bíða eftir sumrinu, kíkti á bloggið hans eiðs um daginn og hann veit greinilega eitthvað meira en við hin um veðrið því þetta passaði allt hjá honum, er þá ekki eitthvað að rætast úr þessu Eiður?
Hvernig heldurðu að veðrið verði uppí veiðivötnum fyrstu helgina í júlí?

Vona að fólk fari nú að tjá sig aftur, helena hvað er að frétta, sigga b farðu nú að skrá þig inn og allir hinir líka.

kær kveðja Magga H.

Kaffi hornið Höfn Hornafirði

Langar bara að segja ykkur frá þessum stað.

Ég var að vinna á Höfn í síðustu viku og var látinn borða þarna ásamt vinnufélögunum og annað eins fæði hef ég bara ekki fengið.

Við fengum rétt dagsins að borða á hverju kvöldi og var boðið grillaða kjúklingabringu , nautasteik  og lambaprime svo eitthvað sé nefnt.

Topp matur í allastaði og vel útilátið.

Nefni þetta bara vegna þess að Kristín Óla og maðurinn hennar hann Ingólfur (þó ekki Reynisson)

reka þennan stað .

Takk fyrir mig Kristín.

 Strákurinn frá vegamótum

 

Feimni

Sælt veri fólkið , hvað segið þið gott í dag ?

Héðan úr höfuðborginni er ekkert að fráetta frekar en vanalega , leiðinlegt veður og mikil umferð er það helsta sem kemur upp í hugann.

Annars ætlaði ég að tala um þessa síðu.

Það er eins og við séum feimin að tala saman hér á netinu og það er nú frekar skrítið þar sem við getum nú flest blaðrað endalaust þegar við vorum  að tala saman í gamladaga.

Mér finnst að við ættum að kommenta hér mikið oftar.  Það má alveg segja sögur af félögunum ef þær eru ekki of grófar.

En til að segja eitthvað skal ég segja ykkur að ég fór til Lubijana um síðustu helgi og þetta er ein skemmtilegasta borg sem ég hef heimsótt.

Og ég mæli hiklaust með þessari borg bæði fyrir djammara og fjölskyldufólk.

Kveð að sinni strákurinn frá Vegamótum

 

Engar myndir af Cliff

Daginn hér.

 Hef ekki kíkt hér inn í nokkrar vikur, fór í vel þegið páskafrí til Tenerife með fjölskylduna.

Því miður vildum við Cliff ekki láta mynda okkur saman því þá hefði farið á stað kjaftasögur um hugsanlegt samstarf okkar á tónlistar sviðinu. En ég get staðfest að vel er hugsanlegt að við tökum upp nokkra gamla slagara á næsta ári. Fyndið að sjá kallinn, hann var þarna með jafnöldrum sínum ( rúmlega sextugum köllum ) þeir allir orðnir sköllóttir og með breska bjórvömb en okkar maður alveg rosa fit og búinn að láta toga aðeins andlitið til á helstu álagspunktum.

Jæja krakkar best að fara að rúlla á Stokkseyri city.

Kveðja. Robbi